Criticamos:
Devesa de Rogueira . Carne de incendio.
¿Por que se está a facer repoboación forestal con ¡¡piñeiros!!! perigosamente cerca da Devesa de Rogueira (O Courel-Lugo)?. Parece mentira que unha paraxe tan fermosa, tan chea de vida se poña en perigo deste xeito. ¿Non escarmentamos de tanto incendio?. ¿De verdade amamos Galicia?.
Coñece a Devesa de Rogueira >>
Mosteiro de Santa Comba de Naves. A pantasma moribunda.
Priorato de fundación eremítica do século IX e que, posteriormente se anexionou ó Mosteiro de Celanova.
Situado nunha paraxe á que se pode chegar, dende o Camiño Real que subía unindo as Tabernas da Conchada e do Cachón, por fermosas corredoiras de orixe medieval rodeadas de vexetación autóctona e cunhas impresionantes vistas do Miño atravesando a cidade de Ourense.
Arrepía contemplar o estado de abandono en que se vai sumindo esta peza arquitectónica, descoñecido, mesmo para moitos veciños de Ourense que poderían chegar aqui dando un agradable paseo dende a cidade.
Coñece o entorno deste Mosteiro >>
Mosteiro de San Pedro de Ansemil. Eclecticismo.
Esta antiga igrexa mosteiral, hoxe parroquial, está formada por dúas capelas, unha románica e outra gótica que integran elementos de ambos estilos arquitectónicos e escultóricos.
Obsérvese na foto o "atinado" claustro-refectorio renovado na súa parte traseira.
