Via Auria é unha iniciativa ourensana sen ánimo de lucro, que trata de dar a coñecer o inxente e interesante legado cultural e natural de Galicia.

Estamos detectando que, ao buscar Via Auria en G o o g l e , aparece unha noticia que pode inducir a erro. Polo tanto:

Queremos acrarar , referente a unha entrevista publicada o 5 de abril de 2002 en La Voz de Galicia a un ex membro da A. C. Via Auria, que nos anos 2002 e 2003 (cando naceu), Via Auria ofrecémola a unha institución sanitaria de Ourense como parte das súas actividades coa intención de, de xeito desinteresado, contribuir á dinamización da vida cultural naquel colectivo. Dende aqui queremos agradecer a sensibilidade cultural, o recoñecemento e a axuda que nos prestou a dirección naqueles dous anos ( 2002 e 2003 ) e que consistiu en proporcionarnos mapas do IXN de toda Galicia e dúas cámaras que aínda hoxe estamos utilizando.

No ano 2005 Via Auria refúndase e inscríbese no Rexistro de Asociacións, cunha nova xunta rectora que formamos tres persoas (o mínimo esixido para a súa constitución): Ana, Ángel e Elena e totalmente independente.

Naturalmente, non está vetada a participación nas nosas actividades a persoas que pertenzan ao colectivo laboral ao que, nun principio ían dirixidas, pero dende o 2005 e xa mentres exista Via Auria, ésta será independente e aberta a todas aquelas persoas (de calquera procedencia laboral, cultural, social, etc) maiores de idade ou menores acompañados dun adulto sempre e cando, se ateña aos nosos obxectivos e ás normas internas da organización que serán aplicables de igual xeito a todos , sin excepción, e que se lle entregarán por escrito, a primeira vez que nos acompañe.

Tamén queremos agradecer a importantísima axuda que nos prestan voluntaria e desinteresadamente as persoas que pasan lista nas Paradas de autobús e que cobran as inscricións.

E temos tamén que decir que estamos moi satisfeitos e moi contentos pola boa repercusión que tivo a iniciativa de Via Auria, sobre todo, desde que somos independentes e do excelente ambiente que foi medrando no grupo que participa nas nosas actividades. Por iso, grazas a tod@s, por serdes tan respectuosos, tan agradecidos, tan puntuais, tan divertidos...

Acrarado queda, pois, que dende o ano 2004 en adiante, isto non é “sendeirismo á carta” senón SENDEIRISMO COS CINCO SENTIDOS e que Via Auria é unha Asociación Cultural sen ánimo de lucro TOTALMENTE INDEPENDENTE que trata de dar a coñecer o inxente e interesante legado cultural e natural de Galicia, dende a que, por un prezo simbólico, se ofrece, a quen libremente queira participar:

Ademáis ofrecemos a Web http://www.viaauria.com  puntualmente actualizada en Internet con información sobre as rutas e fotografías dos lugares percorridos, cuxas modificacións serán comunicadas por correo electrónico a todos aqueles que nolo faciliten.

As normas máis básicas son:

Puntualidade nas horas fixadas para subir aos autocares, tanto nas Paradas de Ourense como en ruta, así como nos límites de "tempo libre" que se dará en determiñadas circunstancias.

Non adiantar ao guía que vai en cabeza. As rutas organizadas conteñen partes inéditas e, xeralmente son rediseñadas por nós tanto en trazado como en orientación, tendo en conta o perfil dos participantes e conforme á distribución dos tempos. Outra razón fundamental está en que, puntualmente, se fan paradas no camiño para observar fenómenos curiosos da natureza ou para poñer en relación aspectos relevantes da etnografía, historia, arte... Polo tanto, aqui non vale iso de "non podo parar, que me estou enfriando" , nin pretender que todos vaiamos a ritmo de "marcha militar". No caso de que alguén se atope mal, procuraremos baixa-lo ritmo e prestaremos apoio.

Respecto absoluto do medio ambiente: Deixar o entorno igual ou mellor de como o atopamos. Non tirar lixo, arrancar prantas nin molestar ós animais. Levar unha bolsa para transportar tódolos desperdicios até un contedor.

Non berrar durante as rotas, agás perigro inminente . A discreción favorecerá o avistamento de moitos animaliños e proporcionará maior benestar a tódolos participantes e habitantes das zonas que visitemos.

Respecto, tamén, das propiedades privadas e da intimidade e tranquilidade dos habitantes das zonas polas que pasemos.

Sinatura e entrega do documento de exención de responsabilidade para a Organización.

• recunchos descoñecidos polo turismo de masas.
• tranquilidade, nun ambente cordial, eminentemente lúdico e camiñando de vagar.
• participación activa, en descubrir e comprender, elementos prehistóricos, históricos e etnográficos no seu contexto e a pervivencia deles no momento actual.

Modus operandi e frecuencia das actividades:

• Previo estudio cartográfico e historiográfico da zona, prepárase a actividade in situ fuxindo, no posible, de rotas xa marcados e do asfalto, e prevendo e analizando todo tipo de incidencias. Agás rarísimas excepcións, non facemos rotas circulares, sempre son lineais e ó final recóllenos o autobús para voltar a Ourense.
• Anuncio na web e por correo electrónico a todos aqueles que nolo faciliten e Inscripción.
• Execución da actividade: varios voluntarios comproban, listado en man, que cada persoa sube na parada que lle corresponde e partimos cara o noso destino onde se recrea e ilustra todos aqueles aspectos que sexan de especial interese con respecto os fins que persegue Via Auria, e onde os organizadores -Ángel e Elena- imos identificados como tales e permanentemente localizables no 630 283 440, prestando axuda e información a tódolos participantes.
• Frecuencia da actividade: mensual.

INSCRICIÓNS

Normalmente, os participantes nun roteiro, ao pararmos para tomar café antes de escomenzar a camiña, ou ao rematar a xornada (segundo se decida) xa pagan o seguinte roteiro por adiantado. Este é o xeito de garantizar ter praza no seguinte e conserva-lo número de praza que se ocupa no autobús, xa que normalmente hai lista de espera.

Para inscribirse é preciso chamar primeiro ao teléfono 630 283440, e, se quedan prazas libres, paga-la inscrición que se indique para esa actividade, e facilitándono-lo nome e Parada de Bus elexida, así como un teléfono de contacto e/ou un enderezo electrónico para poder comunicarvos calquera incidencia.

Cómpre chamar canto antes porque as prazas son limitadas e, xeralmente, agótanse a pouco de se facer pública a Andaina, aproximadamente, un mes antes da súa realización.

Confirmada a existencia de praza libre, terás 48 horas para facer o ingreso, indicando en "Concepto" o teu nome e apelidos na seguinte conta:

LISTA DE RESERVAS

Existe unha "lista de reservas" para aquelas persoas que aínda non teñen praza pero poden conquerila pola baixa doutro participante. Neste caso avisamos nós aos interesados por teléfono ou correo electrónico.

Paradas de Bus onde se recolle aos participantes: Xardín do Posío Alameda Parque de San Lázaro A Ponte

HORARIOS

Os horarios son, dependendo do lonxe que quede o destiño á hora que se fixe e cada 5 minutos na parada seguinte, empezando polo Posío cara a Ponte.

A puntualidade é primordial por respecto aos outros participantes e pola optimización do tempo na actividade.

O horario de recollida para voltar a Ourense fíxase entre as 19:00 e 19:30 no punto que indiquemos para cada ocasión, e tendo en conta, que podemos facer outra parada para tomar algo no camiño, se os organizadores así o decidimos, antes de voltar a Ourense.

EXTRAVÍOS DALGUNHA COUSA NO AUTOCAR

@ interesad@ deberá chamar ao teléfono da empresa que nos leva, sita na Rúa Salvador de Madariaga, nº 1 de Ourense, Telf: 988245556

Ten a pel curtida, e non só polo nordés e a choiva, ó tempo que conserva a tersura dunha moza lanzal e limpa que se perfuma con bálsamo de chorima, de herba fresca e de zugamel.

¿Qué pegadas deixaron os poboadores dos castros, os debuxantes dos petroglifos?. ¿Cal é a nosa artesanía?: oleiros de Gundivós e de Buño, cerámica de Niñodaguia amais de cesteiros, palilleiras, orfebres, fiandeiras, alambiqueiros...En suma, ¿cales son os costumes, gastronomía, lendas e devalar histórico que identifican cada comarca da nosa xeografía e modelaron no decorrer dos tempos a idiosincrasia galega?. E.P.