Rutas Galicia

LUGO

Mapas de interese turístico de Lugo

Pica no mapa, en cada comarca da provincia.

Interpretación heráldica: A simboloxía lucense tivo a súa orixe no selo do cabildo catedralicio. A exposición permanente do Santísimo Sacramento como privilexio da catedral inspirou dende un principio os signos de identidade, aínda que Cáliz e Hostia aparecen, en ocasión soas, como na torre maior da catedral ou noutras dependencias da Mesa Capitular. O símbolo -disque no s. XVIII- definiuse con aquelas señas eucarísticas ás que se incorporaron a torre e os leóns. Aínda que non todos dacordo, algúns autores identifican a torre co antigo castelo de Lugo; outros pensan que representa a famosa torre Augusta e, actualmente, considérase a representación heráldica da muralla romana. Pola súa banda e, aínda que tampouco de común acordo, os leóns recoñécense como o símbolo dos habitantes de Lugo nos diferentes asedios que sufriu a cidade.

Os anxos adoradores, non incluidos nas primitivas armas do cabildo, aparecen no escudo a finais do século XVII para cubrir os espazos existentes a ambos lados do Cáliz, e a súa presencia non foi continua.
A coroa inicial do escudo era real, pero en recoñecemento ós servizos prestados pola familia lucense de Prado, marqueses de San Martín de Hombreiro, o concello decidiu cinguir con coroa marquesal o seu emblema heráldico. Fonte: Deputación de Lugo